Loading...

MARÍA SOLINHA (Vía Láctea Filmes e TVG) gaña o 66º TAORMINA FILM FEST (Sicilia-Italia)

O filme MARÍA SOLINHA competía con 11 longametraxes de Francia, Polonia, Irlanda, Turquía, Grecia, Reino Unido, Rusia, Italia, Bulgaria polo prezado galardón

 

A sétima longametraxe de Ignacio Vilar (Vía Láctea Filmes) acada o máximo galardón na sección INDIEUROPEA do TAORMINA FILM FEST, cita ineludible do mellor cinema europeo e mundial que se celebra  na fermosa vila siciliana de Taormina.

O TAORMINA FILM FEST celebra neste 2020 nada menos que a súa edición número 66º, nun ano marcado polas circunstancias excepcionais na organización do evento derivadas da situación sanitaria.

A pesar disto, o festival desenvolveuse dentro da nova normalidade. O xurado elixiu como gañadora na Sección INDIEUROPEA a fita de Ignacio Vilar, entre 11 longametraxes, “por presentar un tema tan actual como o da represión da liberdade da muller a través dun uso envolvente, innovador e refinado da metanarrativa

MARÍA SOLINHA proxectouse a competición en Taormina na súa versión orixinal en galego con subtítulos en italiano. Trátase do primeiro grande premio internacional que acada o filme de Ignacio Vilar.

Ignacio Vilar (A esmorga, 2014) leva á grande pantalla en MARÍA SOLINHA a lenda dunha muller icónica, condenada pola Inquisición, cun relato que se move entre o século XVII e o XXI. Grial Montes y Laura Míguez protagonizan a versión contemporánea da lenda dunha figura visionaria cuxo anhelo de liberdade a converteu en icona feminista. Ademais, o carismático reparto conta co nomeado ao Premio Goya Santi Prego (Mientras dure la guerra), co gañador do Premio Feroz Antonio Durán ‘Morris’ (Fariña, Dhogs) –co que xa colaborou Ignacio Vilar na premiada A esmorga- e coa veterana intérprete Mabel Rivera (Mar adentro, Los fantasmas de Goya). O prestixioso músico lucense Abraham Cupeiro asina a música do filme, na que incorpora instrumentos milenarios coma o cárnyx ou a caracola.

MARÍA SOLINHA (Vía Láctea Filmes e TVG) conta co apoio e a colaboración de AGADIC-Xunta de Galicia, Deputación de Pontevedra, Concello de Cangas e Concello de Redondela.

Comentarios

  • 22 Xullo, 2020
    Xulio Fernandez Hermida

    Noraboa a todos os implicados neste éxito.
    Todos somos beneficiados cando as cousas saen ben.
    Gracias.

    reply

Deixa un comentario

Non publicaremos o teu correo electrónico. Os campos marcados con * son obgrigatorios