CURSO AISGE DE IGNACIO VILAR E ERMEL MORALES

 

Actuar diante da cámara, con Ignacio Vilar e Ermel Morales en Santiago de Compostela.

O curso ofrécese na delegación de AISGE entre os días luns 2 ata venres 6 de maio, con 30 horas lectivas en horario de mañá e tarde.

 

Introdución

O traballo de Ignacio Vilar e Ermel Morales vai na procura de que as e os participantes adquiran ferramentas no contexto da dirección e interpretación para películas e series. Para este obxectivo, collen de exemplo determinados estilos artísticos e técnicos que debuxan o seu Mapa de Dirección Actoral, unha guía para facer consciente a aprendizaxe.

 

Metodoloxía

O método de traballo do Mapa de Dirección Actoral localiza los factores chave que inflúen na dirección e na interpretación.  Por un lado está a CONSTRUCIÓN e por outro a MECÁNICA.

 

A construción fai referencia a relación entre a persoa e o personaxe. Tanto no “camiño” para chegar como na “forma” de facelo. Todo este apartado pódese resumir nun gradual, é dicir, nunha escala que contempla a mínima e a máxima construción.

 

A mecánica indica o vínculo entre dirección e interpretación. Tanto na “marca” ou directriz a seguir, como na “expresividade”, entendida como contención ou liberación. Tamén neste apartado hai unha gradación que pode explicar a mecánica mínima e máxima.

 

Para acadar as competencias deste traballo é necesario participar nos exercicios de TEXTO, que implican a lectura do guión como palabra e acción actuada e nos exercicios de IMAXE e SON, que representan a viaxe do proceso ao resultado de corpo e voz diante da cámara. A través do análise, ensaio e rodaxe de secuencias, cada participante afondara nas súas propias posibilidades LÉXICAS (o dominio da palabra) e TÍMICAS (o control da emoción).

 

CURRÍCULO e TRAXECTORIA IGNACIO VILAR Director e guionista

2020 MARÍA SOLINHA

Longametraxe.

 

2016 SICIXIA.

Paseo polo amor e a Costa da Morte

Longametraxe.

 

2014 A ESMORGA

Longametraxe

 

2012 VILAMOR

Longametraxe

 

2008 PRADOLONGO

Longametraxe

 

2004 UN BOSQUE DE MÚSICA

Longametraxe

 

2003 ILEGAL

Longametraxe

 

2000 A ALDEA, O ANTIGO E O NOVO

Documental

 

2001-2002 A VANGARDA HISTÓRICA GALEGA

Serie documental

 

 

CURRÍCULO DE ERMEL MORALES

O doutor Ermel Morales Ramón é un investigador do mundo do cine recoñecido por ter un método propio de dirección de actores baseado na súa tese Alexitimia é Expresión: técnicas de actuación da palabra é a emoción.

Está cos directores de principio a fin, especialmente nas películas de Ignacio Vilar (Vilamor 2012; A esmorga 2014; Sicixia (2016); María Solinha 2020), con quen comparte todo o proceso creativo: guión, dirección de casting, ensaios, rodaxe e outras tarefas como a dobraxe, a voz en off ou a selección de tomas rodadas de cara a montaxe.

É un coach coñecido no sector audiovisual pola súa preparación ao casting para multitude de series, polo asesoramento persoal  de intérpretes como no filme A esmorga de Ignacio Vilar con Karra Elejalde, Miguel de Lira, e Antonio Durán “Morris”. Tamén con  Javier Gutiérrez, Santi Prego, ou Celso Bugallo e  pola súa implicación na formación de novos talentos,  como o recente gañador do Goya ao mellor actor revelación Chechu Salgado que participou no filme María Solinha (2020) de Ignacio Vilar.

A súa aportación artística vese reflectida non só xunto a directores ou produtores de cine ou series como Agustí Vila ou Javier Pérez Santana, senón tamén en longametraxes, curtas e documentais no contexto da diversidade funcional para fundacións como Igualarte. Cabe salientar tamén o seu percorrido como asesor noutros campos da comunicación: interpretación musical e ópera, discurso periodístico e político, teatro e unha dilatada experiencia como docente da Titulación Superior en Arte Dramática.

 

Cando?

Do 2  o 6 de maio. De luns a venres , de 10: a 14:00 y de 16:00 a 18:00. Total: 30 horas.

Onde?

Monte Dos Postes, 14. Santiago de Compostela.

Para quen?

Como sucede con tódalas actividades incluídas no convenio de colaboración entre Netflix e a Fundación AISGE, esta axuda tamén está aberta a todos os profesionais do sector  audiovisual en España (actores de imaxe e de voz, bailaríns, realizadores, guionistas, compositores de bandas sonoras e profesionais técnicos).

No caso de ser seleccionado/a para o curso, a non asistencia a algunha das clases terá que xustificarse para poder obter así o diploma ao final do curso.

Como inscribirse?

Remite a túa solicitude antes do 25 de abril con un pequeno escrito onde expoñas o teu interese polo curso e CV.

Envialo todo a cursos.santiago@fundacionaisge.es