Aura 1964

Aura. “O entrelazar sempre enigmático do espazo e do tempo; unha aparición irrepetíbel dunha perda”. Walter Benjamin

Na España de 1964, ano no que a dictadura militar do Xeneral Franco celebra os 25 anos de paz, Siro, un adolescente dunha aldea da alta montaña de Galicia, ingresa nun internado católico na cidade. Alí coñece a Cosme e a Berto. A amizade entre os tres xorde nun ambiente brutal dominado polo adoutrinamento, a mentira e a vexación á dignidade, sempre no nome de Deus e ao servizo da ditadura fascista. Esta experiencia obriga a Siro a deixar atrás a súa adolescencia e mergullarse de cheo no violento, opresivo e autoritario mundo dos adultos.